Ar- tylli ki shnong ha ka thup Containment Zone bad katto katne ki longiing ha ka thup Micro Containment Zone

Nongpoh: Ka District Magistrate ka Ri-Bhoi, ka la pynbna paidbah ba ka shnong Patharkhmah bad ka shnong Nongsder Block-I, ki la shah pynhap ha ka thup Containment Zone, ha kajuh ruh ka por ki la don ki katto katne ki longiing ha shnong Umlyngkdait, kiba la shah pynhap ha ha thup Micro-containment zone.

Ka Containment Zone ha shnong Patharkhmah kan treikam naduh ka 26 tarik haduh ka 6 tarik Naitung 2021, katba ka shnong Nongsder Block I yn khangdam naduh ka 26 tarik haduh ka 30 tarik Jylliew.

Ki longiing kiba shah khangdam ha shnong Umlyngkdait, ki kynthup ia ka iing jong u Gudus Ali, Sultana Laskar, Shiviji Khatun bad M Marngar naduh ka 25 tarik Jylliew haduh 5 tarik Naitung 2021. Ha kitei ki shnong kiba la pynbna Containment Zone bad ia kitei ki longiing kiba la don ha ka thup Micro Containment Zone, la khang pyrshah ia ki paidbah ba kim bit ban rung ban mih bad lada don kiba leh pyrshah, kin sa ngat ha ka jingshah pynshitom katkum ki kyndon Ain.