Ar tylli ki iingmane khristan, la pyn kylla sha ki mosque ha Turkey

U President ka Turkey, U Recep Erdogan, hynnin ka sngi, ula hukum ban pynkylla noh ia ka iing mane barim jong ka balang Orthodox, sha ka mosque lane ka iing mane jong ki Muslim.

Katei ka dei ka iingmane jong ka Chora Church, kaba don ha Istanbul, lane kaba la tip kum ka Kariye Museum.

Kham mynshwa, dang shibnai eiei, U Erdogan, ula pyn kylla ia kawei ka iing mane sha ka mosque bad katei ka dei ka Hagia Sophia, kaba la ithuh da ka UNESCO, kum ka jaka tei nam ba khraw jong ka pyrthei.

Na ka liang ka Greece, kaba don marjan bad ka Turkey, ka shim ba katei ka dei ka jing pynshit niam jong U Erdogan. Ka Hagia Sophia, ka dei ka iingmane kaba la shi hajar snem ka rta jongka bad ka dei ka iing mane jong ka Byzantine Church, kaba la tei ha ki spah snem kiba 14.