Nongpoh: Myn shi sngi mynmiet, ha ka por 11 baje ei ei mynmiet, ki Ri Bhoi ki la ioh ban kurup haduh ar-song u drok na kawei ka Trok Ashok Leyland kaba don ia u number NL-01-AC-9346, kata hadien ba ki la suba jur ba katei ka trok ka la kit drok.
Tang mar ia ioh jingtip halor katei ka jingkit drok hapoh katei ka Trok, ki Pulit Ri Bhoi ki la pynap shrip ha Jingkieng Dwar Ksuid bad haba ki la talasi na katei ka trok, ki la ioh ban kurup ia ar song u drok na katei ka Trok, kata hadien ba ki la plied ia ka song la lap da kynja dawai kuli ba long drok ba la tip ha ka ktien nongwei kum u ‘Yaba Tablet’.
Nalor ki pulit, ki paidbah na katei ka thain ruh ki la sakhi lang ha katei miet ba ki Pulit ki la kurup ia utei u drok na katei ka trok Ashok Leyland, kaba wan na ki thain Guahati da ka jingthmu ban leit sha Agartala.
Hadien katei ka jingioh kurup Drok, ki pulit ka Ri Bhoi la pynong ka jingtohkit bad ruh ban kem ia u dribar bad shimti noh ia utei u drok, kumta ka jingtohkit halor katei ka jingioh kurup drok na katei ka trok kan dang iaid shakhmat.
Phi don ban ong eiei?