Shillong:U bah Banteidor Lyngdoh u MLA ka PDF, u la kren shai ba un ym treh ban kynthih sha kawei pat ka party, na ka bynta ka election 2023, hynrei un dang mihkhmat hi na ka juh ka party.
Haba ia kren bad u bah Banteidor, u myntri ka tnad ka rep ka riang ha ka sorkar jylla u la ong “Nga la dep ban kren shai ba ha u snem 2023 ngan dang ia khun hi na ka party PDF namar ba ka dei ka party kaba nga kwah bad nga ieid”.
Haba kylli halor kiwei pat ki MLA na kane ka juh ka party u la ong “ Kiwei ki MLA, ngam tip la kin dang ia khun ne em na ka juh ka party, hynrei u MLA ka Sohra Constituency u bah Gavin Mylliem bad ma nga, ngim dang ia khun na ka juh ka party kum ba la kren ha ka jingialang CEC ka ba dang shuh dep long”.
U President ka party PDF u bah Lyngdoh, u la ong ba ka party ka don ka jingthmu ban buh 20 ngut eiei ki kyrtong ki ban ia khun ia ka election 2023, khamtam na ka bynta ka khasi jaintia.
Ba eh ioh khylliap Lama noh