Ar ngut ki draibar buaid, ki shah knieh laisen 6 bnai

Shillong,11 Nailar:
Tang na ka daw ka jingdih bu-aid ha ka por ba niah kali ar ngut ki nongniah kali ki la shah pynduh niah kali 6 bnai bad ia ka laisen jong ki la ain oh sha ka Licensing Authority, kitei ar ngut ki la shah pynduh niah kali hadien ba ka ing bishar ka la rai pynrem ia ki naba ki la pynkheiñ ia ka Motor Vehicle Act.
Katkum ka khubor na ki pulit ki la iathuh ba ha ka 5 tarik u naitung ka Rynjah Traffic Branch ka la kem ia u Pynlambor Kharmawphlang katba u dang niah kali ryngkat ka jingbu-aid kyiad, hadien katei la rejistar ia ka non FIR Case u/s 185 MV Act, bad ia katei ka case la rah sha ingbishar ha kaba ka L. K. Kharshiing, Judicial Magistrate First Class, Shillong ka la rai pynrem ia u bad la dain kuna T.2000 tyngka bad la pynduh iniah kali 6 bnai kata haduh ka 9 tarik u rymphang,2017 bad ia ka laisen la ai sha ka Licensing Authority.
Ha ka 18 tarik u naitung pat ki pulit ka Lumdiengjri Traffic Branch ki la kem ia u Arch Angelo Syndor bad ia utei ruh la rejistar ia ka Non FIR case U/S 185 MV Act bad ha ka 9 tarik u nailar la rah sha ingbishar ha kaba la rai pynrem da kaba dain kuna T.2000 tyngka bad la pynduh niah kali 6 bnai kata haduh ka 8 tarik u rymphang, 2017 bad ia ka laisen jong u la ai sha ka Licensing Authority.