Shillong: Ha ka 30tarik Naiwieng 2021, ka Khatarshnong Area Sports Club ka la ioh ban pynlong ia ka jingiatynjuh bor bad ka Shillong College Football Team ha madan Mawkynta ha Khrang. Ha kane ka sngi la wan ban sakhi da ki spah ngut ki riewieit phutbol kynthei bad shynrang ban peit da la ki khmat ia ka sap ka phong jong ki khun Samla khamtam ban kyrshan ia ki khun Samla jong ka thaiñ Khatarshnong.
Na ka liang ka Shillong College Football Team la ialam da u Prof S.Lato ba peit ia ka sports bad kiwei pat ki nonghikai katba na ka liang ka Khatarshnong Area Sports Club la ialam da u Samla Iengskhem Mawkhiew Sports Secretary Khatarshnong Area Sports Club. Ha kane ka jingialehkai paralok la wan ban ia don ryngkat da u Bah Gavin MLA ka thaiñ kum u Kongsan, bah HF Khongsit Retd Asst Commissioner ka Transport department kum u Invite Guest, Prof S Lato kum u Symbud Kongsan, Rangbah Shnong ka Shnong Khrang, Rishang Mawkhiew Rangbah Shnong ka Shnong Krohiawhiar bad u bah Sylloklang Majaw Sordar ka raij Kongthong nalor ki nongkitkam jong ka Khatarshnong Area Sports Club.
Na ka liang ka Khatarshnong Area Sports Club ka la pynpaw ka jingsngewnguh ia ka jingwan jong ki paitbah ban sakhi ia kaba kum katei ka jingialehkai phutbol. Kane ka ai mynsiem ia ka kynhun ba kan nangiai trei shitom ban sei ia ki samla kiba don ka sap ha ka liang ka sports, ong ka yrwoh na u Sports Secretary Khatarshnong Area Sports Club.
Phi don ban ong eiei?