Ar bnai, yn map bai wai ka Sein Raij Jowai

Jowai:Ka Seinraij Jowai ka la rai ban map noh ïa ka bai wai dukan bad bai skul na bynta u bnai Jymmang (May) bad Jylliew (June) namar ka khlam Covid 19.

U President ka Seinraij Jowai u ma OR. Challam haba kren sha ki lad pathai khubor, myn hynnin ka sngi haka jingiadonlang ki dkhot jong ka Seinraij Jowai ba kynthup ïa u Bah Lammat O Laloo bad u Bah H Passah u la pyntip ba ka Executive Committee jong ka Seinraij Jowai haka jingïalang kaba la long haka 15 tarik une u bnai ka la pyrkhat ïaka jingshah ktah jong ki nongshong shnong haba ïadei bad ka jingwan lynshop ka khlam COVID-19 bad la shim ia ka rai ban map noh ianka bai dukan bad bai skul.

Haba ïadei bad ka bai skul jong ki khynnah haka Seiñraij Secondary School bad Seiñraij Higher Secondary School kumjuh ka Creche bad Play school ba la pynïaid da ka Women’s Welfare Organisation ka Seiñraij Jowai la rai ban map Ar bnai.

Shuh shuh u la ong ba ha kaba ïadei bad ki ïew naduh ka 15 tarik une u bnai la plie katkum ka jingpynïaid ka bor shynshar district bad ki nongdie ne nongkhaii baroh kiba shong wai haka jaka jong ka Seinraij ki hap ban pynthikna ba ki la dep ai tika COVID-19 ban ïoh shongdie ha ki jaka jong ka Seinraij Jowai.