Ar bnai, dang iaid ka jingiakren ban pynjari Administrator rule ha KHADC

Shillong: Wat la ka jingiakhun ka la iaid la ar bnai ban wanrah ia ka synshar administrator rule ha KHADC hynrei haduh mynta kam pat urlong satia. Ka jingialang ka United Democratic Party (UDP) kaba la long mynta ka sngi, ka la pynpaw ba ka donkam ban don noh da ka synshar Administrator rule ha Khasi Hills Autonomous District Council (KHADC) khnang ban lah ban khot noh ia ka dorbar kyrpang ban thaw ia ka executive committee bathymmai.

“Haduh mynta ka la don ka jingiakren bad u Lat ka jylla ban kyntu pynjari synshar Administrator ha KHADC bad ha kine ki sngi yn sa lah ban pynmih ia ka rai”, la ong u Dr Jemino.Ha kajuh ka por u nongialam ka UDP u la kam ba ka UDA ba la ialam da ka UDP kan sa ioh ban thaw biang ia ka executive committee namar ka don bun ngut ki MDC da ka jingkyrshan biang jong ki ba la mih ha kato ka por.