Shillong 06 Lber: Halor ka jingmih khubor, ha kine ki khyndiat sngi,ba u Vice Chancellor ka Skulbah NEHU u Professor Shukla un wan iujkjat biang sha katei ka Skulbah, naka Liang ki samla pule katei ka Skulbah ha ka jingialam khmat da ka KSU Students Union bad ka KSU NEHU Unit ki la leit ban khangtala shisyndon ia baroh ki khyrdop bah ka Skulbah NEHU,laitnoh tang ka jaka ban rung.
Ki samla pule ki la sdang biang ban pynlong da ka jingiakhih ha katei ka Skulbah namar ka jingioh jingtip,ba utei u VC un wan biang sha katei ka Skulbah.
Nalor kata ki samla pule ki la khangtala ruh wat ia ka ophis treikam Jong u Vice Chancellor bad ia ki jaka ap pahara ha man la ki khyrdop,ban pyntikna ba u VC katei ka Skulbah un nym iohlad ban wan rung shapoh katei ka Skulbah NEHU.
Ki samla pule ki la iengskhem halor ka nongrim ba u Professor Shukla udei beit ban iehnoh ia kakam Kum u Vice Chancellor jong ka Skulbah NEHU kumba ki la dawa naduh kine ki bnai ba ladep.
La sakhi ba mynta ka miet ki samla pule baroh jong katei ka Skulbah NEHU ki la pynlong ruh ka jingap miet ha khyrdop ha jaka rung sha Skulbah,khnang ban pyntikna, ba u VC un nym ioh rung satia sha katei ka Skulbah.
Ki samla pule ki la pynpaw,ba ki la rai rangbah ban nym ailad dalei lei ia u tei u Vice Chancellor ba un iuh kjat biang ha Skulbah NEHU.
Kum ban shu pynkynmaw,ba ki samla katei ka Skulbah NEHU ki la weng ia ka jingshah thngan ha u bnai Naiwieng,da ka jingshaniah ba ka tnad pule ka sorkar India ban tuklar halor ka jingdawa ba phah resign jongki ia u Professor Shukla.
Phi don ban ong eiei?