Shillong, 06 Nailur:
Ki samla na Meghalaya ba shah kyntait ban pule doktor MBBS ha ki jaka pule ha Assam, kila ong ba kin ap ia ka rai ka Supreme Court ka ban long ha ka 11 tarik mynta u bnai.
Haba iakren bad uwei na ki samla ba iakynduh ia kane ka jingeh, la iathuh ba kim pat shim ia kano ka lynti ban iaid namar ba kin hap ban ap ia ka rai na ka Kashari.
“Ngin ap ha ka 11 tarik ia ka rai ka Supreme Court bad ngin sa pyrkhat kumno ban leh”, la ong u samla Iaisanbha Synrem mynta ka sngi.
Ki don 10 ngut ki samla ba shah kyntait ha ki medical college ha Assam halor ka jingkam ba ka sorkar Assam ka la pynduh ia ka bhah ka Meghalaya mynta u snem.
Ka sorkar Meghalaya ka la ujor sha ka Supreme Court halor Kane ka jingjia da kaba kam ba ka Assam ka la pynkhein ia ka jingiateh naduh mynshwa.
Hynrei na ka liang, u Myntri ka tnad ka koit ka khiah ka Assam u Himanta Biswa Sarma ula kyntait ba ka don kum kata ka jingkyntait ia ki samla na Meghalaya bad ula kam ba ka sorkar Assam kam don jingtip satia.
Katkum ka jingiathuh kine ki samla, ki bor pyniaid ka Assam kila pynduh ia ka bhah ka Meghalaya namar ba ka Assam ka pynbun ia ka bhah pule doktor ia ki OBC kiba don ha Assam.