Ap kaiphod u CEO ba kanbas u Mukul da ka helikopter

Shillong, 2 Iaiong:
U Chief Electoral Officer (CEO) ka jylla u Prashant Naik u la ong ba u dang ap ia ka kaiphod na u Returning Officer ka Tura Parliamentary constituency halor ka jingujor ia ka jingleit kanbas elekshon u Myntri Rang bah Mukul Sangma da ka helikopter.
U Naik u la ong ba ia ka helicopter ba la buh da ka sorkar ban kit ia ki paidbah, ym lah ban pyn donkam da u briew shimet bad ka dei ka jingpynkhein ia ka ain elekshon model code of conduct.
U Myntri Rangbah ka jylla u la shah ujor ha ka NPP ba u pyndonkam ban kanbas ne ialap elek shon da ka helicopter Pawan Hans Daupin N3 haduh hynniew sngi naduh ka 25 tarik Lber haduh ka 1 tarik Iaiong.
U Naik u la iathuh ba u Chief Minister Secretariat ka la weng ia ka jingpyndonkam ia ka helikopter.
Katkum ka Chapter VII (1) (b) ka Model Code Of Conduct, “ki kali sorkar, ki helicopter bad kiwei kiba dei jong ka sorkar, ym lah ban pyndonkam ban ialap elekshon na ka bynta ka jingmyntoi ka party.