Ap jingma ki post elektrik, ba la jan khein ha ka shnong umdap

Ka jingdon jong ki post elektrik ba la jan kdiah bad khein na ka jingbam sarang ha ka shnong Umdap, Dumu ha Ri Bhoi, ka la buh jingma ia ki paidbah ha ka leit ka wan, namar ki tei ki post elektrik ki lah ban khyllem ha kano kano ka por, khamtam ha ka por slap ba wan ka eriong, namar ba la shu kyrshan da ki dieng, na ka jing bym shimkhia ka tnad Me.E.C.L ban pynbha lane ban bujli ia ki post wat hadien bala ujor bad pyntip na ka shnong.

Bun na ki post elektrik ba don ha umdap, Dumu ki dei ki ba la don jingma bad lah ban khyllem ha kano kano ka por , hynrei haduh mynta ym don ba shim khia na ki bor ba dei peit, kaba lah ruh ban wanrah kano kano ka jingjia ba sngewsih ha kano kano ka por namar ki tei ki post elektrik ki dei kiba don hapdeng lynti shnong. Kumta na ka liang ka shnong, ka kyrpad sha ka tnad Me. E. C. L ba dei ban shimkhia mardor ym ban ap haduh ban da mih ki jingjia ba sngewsih , namar ia kitei ki post la donkam ban shna lane ban bujli noh da ki wei na ka bynta ka jing shngain ki paidbah nongshong shnong.

Albert Maring