Nongstoiñ, 10 ‘Lyngkot:
Ki trok kit dewiong ki la kit palat pud ha kine ki sngi bad nangta ka jingkieng kaba la sarang bad katei ka buh jingma ia ka jingkieng jong ka Shnong Kynshi Bangla, West Khasi Hills, ba kan lah ban kdiah noh ha kano ma kano ka khyllipmat.
Ka jingkieng nar ha shnong Kynshi Bangla kaba la synjor:Rupang.Com
“Kane ka jingkieng ka la dei ka jingkieng kaba nyngkong tam ha ri khasi kaba la shna ha ka dur kaba itynnad bad ha ka rukom ka ba kham i phylla katkum ka juk kaba mynta kaba la shu pynsdien, tang da ki nar na baroh arliang khnang ba kan bat khamtam eh ia ka bynta kaba hapdeng. Kane ka jingkieng ka la long shisha u budlum bad ka jingkyrkhu ia kiba bun bah ki shnong kiba hajan bad kiba hajngai kiba iaid man ka sngi na kane ka jing kieng bad kane ka jingkieng ka pyniasoh ruh shaduh South West Khasi Hills, Sohiong, Nongstoin bad kiwei kiwei” ong u Sordar ka shnong Kynshi Bangla u bah Aiban Syiemlieh haba pynthikna halor katei ka jingma kaba ap ia katei ka jingkieng.