Shillong: U kyrtong ka Congress na Nongkrem u bah Lambor Nongrum u la thep kyrteng ialade na ka Congress mynta ka sngi.
Ha ka jingkren sha ki lad pathai khubor, u la ong ba u don ka thong ka long ban pynlong ain ia ka Hima Khyrim kaba la maitphang da ka Executive Committee ba ialam u bah HS Shylla hynrei kaba dang sahkut.
“Nga kwah ban pynlong ain ia ka Hima Khyrim kaba la dep rah da u bah HS Shylla dang shen, ngan buddien ia ka”, la ong u bah Lambor.
U bah Lambor u la ialeh ia ka MDC shiteng shamoi hynrei u khlem poi sha ka thong.
“Ka thong jong nga ka long ban iasaid ban pynneh pynsah ia ka riti dustur, ban pynneh ia ka khyndew ka shyiap, ban pynkhlain ia ka synshar shnong hima, raid, shnong bad ki dong”, u la ong.
U la ong ba ki don 54 tylli ki hima bad palat 25 tylli, kim pat don ia ka jongka ain bad ka donkam ban pynjanai ia ki.