Shillong, 21 Naitung:
3 ngut ki briew ki la mynsaw hadien ba kawei ka Taxi Maruti 800 ka la tyngkhuh bad kawei ka trok ha ka shnong Kynshi, West Khasi Hills. Katei ka jingjia ka la jia ha ka por 7:10 baje mynstep. Ha katei ka jingjia la iathuh ba katei ka trok ka dei thmu ban leit sha Nongstoiñ katba katei ka Taxi pat ka wan na mar pyrshah na Lad Myriaw. Ki 3 ngut kiba la mynsaw ki dei kiba la tip kyrteng kum u Senister Kharshandi 26 snem karta, u Kwik Marngar 17 snem bad u Pynbhalang Kharshandi , 19 snem baroh ki dei na ka shnong Rambrai. Ka 108 kaba don ha Markasa ka la pynkit ia kitei baroh 3 ngut sha Civil Hospital, Mairang bad kham hadien la pynkynriah sha Bethany Hospital, Shillong.