Aiti u MLA, ia ka Work Order ba T. 5 lak sha ka jingiaseng Kynthei Mawlong

Nongpoh:U Bah Mayrald born Syiem, MLA Nongpoh, mynhynnin ka sngi u la leit ban aiti ia ka Work Order ba T. 5 lak sha ka Jingia seng Kynthei ha shnong Mawlong, kata khnang ba kin ioh ban pyndep noh ia ka jing jong ka Jingiaseng Kynthei, ka bym pat lah ban pyndep kat haduh kine ki sngi.

Katei ka Work Order, ba u MLA u la aiti sha Jingïaseng Kynthei Balang Presbyterian Mawlong, ka dei kaba la pynmang lyngba ka skim SRWP bad ha katei ka sngi, kaba la aiti ia katei ka Work Order, la sakhi da ka jingdon u Tbn. R. S Rynshon, Tbn Incharge, Tbn. E Rynshon, u Bah H Langi, Rangbah Shnong Mawlong, Kong R Syiem, Kong E Manih lem bad kiwei.

Haba iadei bad katei ka jinglah u MLA Nongpoh, ban aiti ia katei ka Work Order, na ka liang ki nongialam ka Jingiaseng Kynthei, nangta ki nongialam Balang lem bad na ka shnong, ki la pynpaw ia ka jingsngewnguh kaba khraw eh, namar lyngba katei ka jingiarap u MLA, leh yn sa lah ban pyndep ia katei ka iing jong ka Jingiaseng Kynthei hapoh ka shnong Mawlong.
Katba na ka liang u MLA Nongpoh, u la ong ba kum u nongmihkhmat, u kwah ban ai jingiarap ia kito kiba donkam shisha ia kata ka jingiarap bad khamatam eh na bynta kito kiba la donkam da ki paidbah ne ki kynhun bapher bapher.