Aiti U bah Sanbor ia ka T.1 klur sha ka komiti

Shillong, 15 Naiwieng:
U bah Sanbor Shullai, MLA uba dei ruh u Chairman jong ka Monitoring Cum Implementation Committee jong ka 19th Shillong South Konstitwensi mynta ka sngi u la aiti ia ka Work Order kaba T.1 klur tyngka sha u Secretary jong ka Komiti u bah A.Marweiñ. Katei ka T.1 klur tyngka ka dei kaba la mang kyrpang lyngba ka SUPW Scheme 2014-2015. Kate ka komiti kan hap ban pyntreikam ia katei ka scheme ha ryngkat ka jingiatreilang bad ka Shillong Municipal Board, ki Dorbar Shnong, ki seng trei mon sngewbha na ka bynta ka jingmyntoi ki khynnah skul, ki longing kiba duk bad ki paidbah ka 19th Shillong South Konstitwensi