Aiti kan tohkit ka CBI, halor ka jing ioh kurup khaw na Assam, ong ka KHNAM

Shillong: Ka Khun Hynniewtrep National Awakening Movement (KHNAM), mynta ka sngi, ka la phah dorkhas sha U Conrad K Sangma, myntri rangbah ka Jylla, halor ka jing ioh kurup jong ki pulit ka Assam, ia shilak byrni u khaw, na kawei ka kudam ha Assam.

Ka KHNAM, ka kren bynniaw ruh, halor ka jingkren jong u myntri sam bam jong ka sorkar Jylla bad kumjuh ia ka jingkren u myntri social welfare ka sorkar Jylla, nangta ka jingkren jong U General Manager jong ka Food Corporation of India (FCI), ha kaba ka rukom kren ka iapher uwei na uwei pat.

Ka KHNAM, ka shim, ba kane ka jing ioh kurup ia u khaw na ka kudam na Assam, ka lah ban dei ka jing donkti jong ki heh ki hain ha ka sorkar bad la dawa namarkata, ba dei ban tohkit mar mar da ka ka CBI, halor kane ka jingjia, ong ka kyrwoh na U bah Thomas Passah, President ka KHNAM Youth Wing bad u bah F Marpna, Secretary, KHNAM Youth Wing.