Aiti ka KSU-Educational Cell da ka dorkhas sha ka MNC ban iarap pynioh lisence ia kiba pass ha na Nursing

Shillong: Ka Educational Cell jong ka sengbhalang Khasi Students Union (KSU) lyngba u chairman, Bah Raymond Kharjana bad u Secretary Bah Reuben Najiar, ki la phah ia ka shithi sha ka Meghalaya Nursing Council (MNC) hadien ba bun ki samla kiba la pass bha ha ka eksam jong ki na shabar ka jylla, kim pat shym la ioh ban apply ia ka lisence ka jong ki namar kane ka khlam COVID-19 bad kim shym la ioh lad ban leit sha ki jaka pule ka jong ki ban leit shim ia ki marksheet bad ba ka jaka pule jong ki ka dang khang bad yn sa plie noh shen.

Ha ka shithi jong ka Educational Cell jong ka KSU ba la shah sha I Registrar jong ka MNC, ka la kyrpad ia ka MNC ba kin tuklar lem halor kane bad ban shah ia ki khynnah samla kiba kwah ia ka lisence ba ki apply tang hadien ba ki ladep ban pynbiang ia ki marksheet jong ki da kaba shu download khnang ba ka jingthrang bad ka jingpule jong ki kan nym sepei.