“Ai tablet lang ia ki klas X”

Shillong, 3 Risaw:
Ka All Meghalaya Primary School Teachers Association (APMSTA) ka la ong ba ka sorkar kan ai Tablet lang ia ki khynnah pule klas X.
” Ngi kyrpad ia ka sorkar ba lada long kaba lah ka kwah ba kan ai Tablet lang ia ki khynnah pule klas X”, ong ka AMPSTA. Ka AMPSTA ka khmih lynti ruh ba kum kine ki jait jingiarap na ka Sorkar kan iarap ban tynrong ia ki jingkit ki kmie ki kpa bad ha kajuh ka por ka iarap ban kyntiew ia ka pule puthi ha ka jylla.
U General Secretary ka AMPSTA u Bah FC Shullai, u la ong ba ka seng APMSTA ha kajuh ka por ka pynpaw ia ka jingai burom jong ka sorkar Meghalaya sha ki khynnah pule jong ki klas XII.
U la ong ba kane ka jingai sngewbha jong ka sorkar sha ki khynnah ka long ban pynshlur bad ai mynsiem ia ki khynnah ba kin long kiba smat bad ba kin pynleit jingmut ha ki jingpule jong ki.
Ka AMPSTA ka kitbok ruh ia ki khynnah kiba ioh ia ka Tablet ba kin pyndonkam ia ki na ka bynta ka jingmyntoi ha ki jingpule jong ki.