Shillong 21 Nohprah: Ka sur na nongkyndong ka badei kawei ka kynhun tem ba la paw bha ha kine ki sngi ba mynta ha ka janmiet jong ka sngi thohdieng ka 20 tarik U Nohprah 2024, ka la ioh ban ai sngewbha khrismas nakabynta ki nongshong shnong ka shnong Lynshing ki baduk bad ruh sha ki khunswet.
Ka kynhun tem Ka sur na Nongkyndong ka ba baroh ki nongrwai kidei na ka shnong Lynshing ka ba hap hapoh ka Mawkynrew konstitwensi, east khasi hills district, ka la shang kylleng kylleng ha baroh ka Jylla bad ruh sha kiwei ki Ri, da ka pisa ba ki ioh lyngba ka jingtem ki la ai sngewbha khrismas sha ki baduk basuk hapoh la kajong ka shnong.
Kidon haduh 70 tam eiei ki longing ki ba la iohpdiang ia kane ka jingai sngewbha na Ka Sur Na nongkyndong.
Ha kane ka sngi ialadonlang u sordar shnong, ki nongialam shnong, ki nongialam balang Presbyterian tnad balang lynshing neng, ki nongialam balang catholic. Ki bank na roman chatholic, ki nongtem na ka shnong Lynshing,ki nongshah khot sngewbha Kumjuh ruh u bah Martle Mukhim MDC ka thain ha kajuh kapor uba long kum u kongsan ha kane ka program bad kiwei kiwei.
La pyniaid ia kane ka program da u president ka sur na nongkyndong ubah Raison Nongrum ha ka jingiadonlang da ki spah ngut ki nongshong shnong ka shnong Lynshing bad ki para marjan shnong ruh kumjuh.
Kane ka jingaisngewbha nakaliang ka Sur Na Nongkyndong sha ki nongshong shnong ki baduk ba toi bad sha ki khunswet kadei ka sien ka ba nyngkong eh hadien ba ka la sdang paw pyrthei bha bad sdang ban leit rwai kylleng kylleng ji jaka. Ka jingai sngewbha khrismas katei ka kynhun sha ki nongshong shnong ki ba duk ka long jingmyntoi shibun eh ia ki, namar kin ioh ban pyndonkam khrismas.
Haba kren ha Kane ka sngi nakaliang u bah Martle N. Mukhim ula ong, ba ka shnong Lynshing ka la paw bha ha ka ba iadei bad ka put katem, naduh mynshwa ki riew tymmen ki la sdang ban shna ki tiar tem tiar put ba bunjait ban pynpawnam ia ka shnong baroh kawei, bad ula ong ba mynta lyngba ka kynhun tem “Ka Sur Na Nongkyndong” ka shnong Lynshing ka la pawnam bha mynta.
Kat dangmih ki sngi ka put tem ka la sdang kiew bad paw khamtam ha ka put katem jingrwai khristan ban nangpynbang pynsngewtynad shuh shuh, ong ubah Martle.
Ula pynkynmaw ruh, ba mynshwa ha iatem iaput ki iadon tang 3ne 4 ngut ban iatem ha ki iing, bad ban tbeh da ka sharak bad ka long ka ba sngewtynnad haduh katta katta, bad lyngba ki riewtymmen hyndai ban ialam tem kaneh sah haduh mynta.
Shuh shuh ula ong, ba kawei ka ba pynsngewtynnad eh ia u kalong, ba kane ka rwai, ka put, katem kamdei ka ba shu iarwai biria ne rwai kai lane ban shu pynmih jingbakla haba pynlong ia ki jingshad jingrwai, hynrei kane ka jingrwai ka ba baroh ki ia pyndonkam haduh mynta kalong ka jingrwai ba kynja mynsiem.
Phi don ban ong eiei?