Ai por ki nongtrei MTC 15 sngi, shwa ban iakhih

Shillong, 20 Naiwieng:
Ki nongtrei ka Megha laya Transport Corporation (MTC) hapoh ka lama ka Meghalaya Transport Corporation Workers Union ki la ai por 15 sngi ia ka sor kar ban pynlait noh ia ka tulop ba san bnai kynthih.
Ha ka kyrwoh ba la pynlait ha kane ka sngi Balang, u general secretary ka MTC Workers Union u Bah K Rumnong u la ong ba ka Union kan pynlong ia ka jingiakhih ba tyngeh lada ka sorkar kam pynlait noh ia ka tulop jongki kaba la set la san bnai kynthih.
Ki nongtrei ka MTC ki la ong ba ka jingbym pynlait ia ka tulop khamtam ia kito ki nongtrei ba kham rit ka la pynbor ia ki ban iakynduh jingeh khamtam ban siew ia ki jingdonkam ia ki khun ha ki skul nalor ba kim ioh ia ka jingai haba ki pang ne shitom.
Katkum ka jingong jong ka MTCWU, ka bor pyniaid kim pat pynlait ia ka tulop naduh u Naitung mynta u snem bad kane ka la wanrah jingeh ia ki nongtrei ban siew ia ki jingdonkam ba man ka sngi.
Ka seng ka la ong ba ki la dep iakren ia kane ka kam bunsien bad ki bor ba dei peit hynrei khlem poi shaei shaei ruh bad wat ia u myntri ka kit ka bah ruh.