Shillong:U MLA ka Umsning u Dr. Celestine Lyngdoh ula ong ba kum u nongmihkhmat na Ri Bhoi, u kyntu ia ka sorkar ban ai madan ialehkai artificial turf ha RiBhoi, namar ba kam pat don ha ka district, wat la ka pynmih bun ki nongialehkai kiba paw nam ha ka jylla.
Haba kren mynhynnin ka sngi ha ka jingiatai halor ka jingkren u Lat ka jylla ha ing dorbar ka dorbar mang tyngka, u Dr. Celestine ula ong ba um sngew pher lada ka sorkar kam shna ia ka madan ialehkai ha Umsning konstitwensi jong u, namar ba um dei na ka liangsynshar, hynrei ka lah ban ai sha Umroi ne Nongpoh kon stitwensi kiba don ha ka liangsynshar, na bynta ka burom ka ri Bhoi bad un sngew hun ialade kum u nongmih khmat na ka thain. Ha kajuh ka por, ula pynsngew ruh ia ka jingdonkam ban ai ia ka MCH hospital ha Um sning ha ka Khristmas ban wan.
Kum u MLA ka thain ula kyntu ruh ba ka sorkar ka dei ban ai kam kiba rit ba ria ia ki trai shnong ha Umtrew Biological Park.
Ha kajuh ka por, ula kyntu ia ka sorkar ka dei ban shim ki lad ki mardor ban khang lad ia ki kam sniew khamtam ha sor, ha kaba lah ban long ka slum ba thymmai kaba long ka ktem ki runar ki leit rieh hajan ka market.
Phi don ban ong eiei?