Ai ksing ngap ka Soil ha Mawryngkneng

Shillong,10 Jylliew:
Kum ka dak ka jing pynshlur ban ri ngap ka tnad Soil and Water Conservation Shillong (T) Division jong ka sorkar jylla lyngba ka skim Upper Umsnait Watershed IW MP Project-II ka la ai jingiarap ia ki paibah ka thain Mawrynkneng bad ka shnong ba marjan da ka Ksing ngap .
Kane ka jingai jing iarap lyngba kane ka skim ka long ban pynshlur ia kito ki nongrep kiba ju ri ngap khnang ban kyntiew ia ka ioh ka kot jong ki paidbah nongrep kane ka thain.
U bah Aiban Swer, Divisional Soil and Warer Conservation Officer, Survey Division,Shillong ula iadon ryngkat lang ha kane ka sngi bad u la aiti ia ki ksing ngap ba la pynwandur katkum ka stad saian ba mynta sha ki 30 ngut ki nongrep kane ka thain ha ka jingiadon ryngkat lang jong u Secretary jong ka Dorbar Shnong Mawryngkneng u bah Wanlambok Kharsati.
U bah Aiban Swer ha ka jingkren jong u , u la iathuh ba baroh shikatta la ju iohsngew tang ia ka nam jong ka umngap Sohra namar ka jingbang jingthiang jong ka bad myntaka tnad ka la khmih lynti ha kine ki snem ban wan ba ki umngap jong ka shnong Mawryngkneng kin paw ha kajuh ka kyrdan lada ki ba la ioh jingiarap kin shimkhia shisha ia ka kam.
Na ka liang u Secretary jong ka Dorbar shnong jong ka shnong Mawryngkneng u bah Wanlambok kharsati u la kyntu ia ki nongioh bhah ia kane ka skim ba kin pyndonkam hok ia kane ka skim bad u la aijingmut ia kine ki nongringap ban shna noh da ka kynhun society ban ioh ban lum ban lang ia kine ki umngap bad ban ioh ban pyniaid iew ia ki.