Shillong,10 Risaw:
Ka Durbar Shnong Umsning Lum-Umpih, Raid Mawbuh, Ri-Bhoi District, ha ka 2 tarik u risaw sam khsnam khusnam ia ki khun samla jong ka shnong kiba pass bha ha une u snem 2013 bad iakatei ka khusnam la tip kum ka “Excellence Achievement Award 2013”. Kiba ioh ia kane ka Khu snam ki long U samla Sanbhalang D Nongrum, I samla Quinoris Syrnah jong ka SSLC Exam 2013, U Samla Shiningstar N. Thabah, I samla Agnes Marbaniang bad I Banrikynti Nongbri jong ka HSSLC exam 2013. Ha kane ka juh ka sngi la pynlong ruh ia ka jingpynkhuid shnong ha kaba baroh ki nongshong shnong ki la ia mih ryntih baroh lang bad ha ka janmiet kajuhka sngi la pynlong ruh ia ka jingialehkai phutbol da ki nongshong shnong ha kaba la bynta ha ki san kynhun bad ia kane ka jingialehkai kaba la tip kum, “Rangbah Shnong Inter House Football Tournament” ha kaba u Rangbah Shnong Umsning Lum-Umpih u bah B.R. Syngkli u la long u kongsan ha ryngkat ki Executive Member ka shnong ha kane ka jingialehkai. Ha kane ka tournament ka Blue team ka la jop da 3-1 pyrshah ia ka yellow team, katkum ka kyrwoh na u Assistance Secretary Shnong, Umsning Lum-Umpih bah W. Nongrum.
Phi don ban ong eiei?