Ai khublei paidbah ka HANM

Shillong,20 Nailur:
Ka HANM jong ki san tylli ki Circle kata ka Saw simper Mawsymram Lawbah, Balat bad Ranikor lyngba ka kyrwoh khubor ba la phah da u bah J. Sanglane information publicity Secy, kala ai khublei kyrpang sha baroh ki paidbah kibala ai ka jingkyrshan kaba pura ia ka seng ha ki prokran ia khih jong ka ha ki ar sngi bala dep. Ka sengka la pynpaw ruh ka jingkhublei kyrpang ia ka Sawsymper Sumo Driver Owners Association kiba la ai ia ka jingkyrshan kaba pura ka jong ki ha kane ka jingiakhih jong ka seng.
Ha kajuh ka por ka HANM ka pynrem jur ia ki riew shim kabu ki ba kawang petrol bomb ia ka Ranikor Police Station barim bad kymjuh ruh ki ba thang dusmon ia ka ophis jong ka PHE ha Mawsynram ha shwa jong ki kynta jong ka jing pakhang shnong jong ka seng ha kitei ki ar tylli ki Block. Ka seng kala dawa run a ka tnad pulit ba kan pyllait noh mardor ia u Publicity secretary jong ka HANM Mawsynram Circle u bah Andrew Shampliang u ba la shah kem ha ki pulit jong ka Mawsynram mynnin bad ba la shah pherep ba u la don kti ban thang ia katei ka PHE Mawsynram.