Ai khublei lehniam Behdieñkhlam ka Khasi Students’ Union

Shillong: Ka Khasi Students’ Union (KSU) CEC lyngba ka tnat Cultural Cell ka pynpaw ia ka jing ai khublei Behdieñkhlam ia baroh ki Khun ki hajar ka Bri u Hynñiewtrep khamtam ia ka kynhun Niamtre jong ka Seinraij Jowai.

Lyngba kane ka kyrwoh “Ngi ai khublei ehdaw ehrngiew ia phi baroh ia ka Niamtre bad ia baroh ki Khun ka Bri u Hynñiewtrep. To ai ba kane ka Behdieñkhlam mynta u snem kan wan rah ia ka jingkyrkhu kyrdoh ia ka shnong ka thaw, ia ka Raij Jowai bad ia ka Bri Hynñiewtrep baroh kawei”.

“Khatduh ngi kyrmen ba kane ka lehñiam Behdienkhlam kan beh ia ka sniew ka smeh bad ka pang ka jhia ym tang ia ka ha ka met ka phad ki paradoh parasnam hynrei kan pynlait ruh ia ki jingpang khlam ha ka liang ka synshar ka khadar bad ka roi ka kiew jong ka Jaitbynriew” pynkut ka kyrwoh.