Ai khublei ka WKHDBA, ia u samla ba pyndep ia ka National Umpire ha ka Badminton

Nongstoiñ: Ka West Khasi Hills District Badminton Association lyngba ka kyrwoh ba la phah da u Secretary u bah S. Lyndem kala ai khublei ia u Samla Badonboklang Marwein u bala wanrah burom ia ka Synjuk bad ia ka dong ka thaiñ hi baroh kawei hadien ka jinglah ka jong u ban pyndep ia ka National Umpire Grade ii ha ka jingialehkai Badminton.

Shuh shuh ka kyrwoh khubor lyngba u bah Lyndem ka ong ruh ba ka jinglah jong u samla Badonboklang Marwein ban pyndep ia katei ka kyrdan Umpire kala long ka jingioh nong kaba khraw ym tang ia ka District hynrei ia ka Jylla hi baroh kawei namar kumba ka long mynta ka Jylla ka dang duna palatial ki National Umpire ha ka jingialehkai Badminton.
Kumta na ka liang jong ka WKHDBA ka kitbok kitrwiang ruh ia u tei u Samla ba in nang kiew shaphang bad ba un nang trei shitom shuh shuh khnang ba un ioh ban kynjoh shaduh ka kyrdan ha ka International level.
U tei u Samla u bala ioh ban pyndep ia katei ka kyrdan National Umpire Grade ii u dei u ba na ka shnong Ladweitang Nongstoiñ bad u dei ruh u khun jong u bah Darlington Sunn bad jong I kong Delbiya Marwein bad u la pyndep ia katei ka kyrdan Umpire bala pyniaid da ka Badminton Association of India ha ka 29 tarik November 2018 hapoh Bengaluru Karnataka.