Shillong, 7 Jylliew:
Ka Upper Shillong Sports, Social & Cultural Association ka ai khublei kyrpang ia ka kynhun ialehkai Under 15 jong ka Jylla kiba la wanrah ia ka nam bad ka burom kaba khraw eh lyngba ka jingjop jong ki ha ka Coca Cola Cup 2013 jong ka National Under 15 Sub Junior Football Tournament kaba dang dep shen ha Mumbai.
Ka jingkhublei ka leit kyrpang ruh sha ki laingut ki khynnah na Upper Shillong kiba kynthup ia U bah Donald Thangkhiew, Maitshaphrang Khongjee bad U Baniengskhem Nongrum, kiba la wanrah nam ia ka thain Upper Shillong hi baroh kawei. Ha kajuh ka por ka jingkhublei ba kham kyrpang ka leit ruh sha ka Meghalaya Football Players Association kaba la ai rynsan ia kine ki khynnah ba kin ioh ban pyni ia la ki jong ki sap bad ban shah jied ban mihkhmat ia la ka jong ka jylla.
Khatduh eh ka seng ka kyrkhu kyrdoh kumjuh ruh ka kyntu kynpham ia ki khynnah baroh ba kin nang trei shitom shuh shuh bad ba kin nang wanrah jingjop ha ki sngi ki ban dang wan.
Phi don ban ong eiei?