Ai ka Lachumiere, da ka khnap

Shillong,24 Naitung:
Shi bynta kum ka jingiatreilang hapdeng ki paidbah bad ki bor pulit, ka dorbar Shnong jong ka Lachumier mynta ka sngi ka la noh sngewbha da san tylli ki khnap sha ki pulit ka nongbah, kum ka dak ka jingaimynsiem ba kin kham lah ban shakri khambha ha kaba ia dei bad ka rukom pyniaid kali ha nongbah Shillong. Ia kitei ki khnap la aiti da u Rang bah Dong ka Lachumier u bah Victor Khongmen sha u  Superitendent of Police, East Khasi Hills u bah M Kharkrang, bad ha katei ka sngi la ia don ryngkatlang ruh u SP ( City) bad u SP ( Traffic), Shillong. Na ka liang u SP u la pynpaw ka jingsngewkmen ia ka Dorbar Shnong Lachumier, kaba la noh synniang sha ka tnad pulit, bad u la ong ba katei ka jingnohsynniang jong ki ka dei ka dak ka jingiatreilang hapdeng ki paidbah bad ki pulit.