Ai jingsumar ka NEIGHRIMS, ia uba shitom ring mynsiem la 8 bnai

Shillong:Ki Doktor jong North Eastern Indira Gandhi Regional Institute of Health Science (NEIGRIMS), ha ka sien kaba nyngkong ha ka jylla bad ka thaiñ shatei lam mihngi hi baroh kawei ki la lah ban sumar ia ka jing pang ba kham pher ia u wei u briew ba ngat ia ka jingpang.

U ne u nong pang, u dei samla shynrang u ba la ioh ia kane ka jingpang ba shitom ban ring myn siem la palat 8 bnai, ha kaba u ne u nongpang u la shah sumar ruh shabar na ka jingpang klong snam bad khem lah satia ban pynkoit.

Kumta ia u ne u nongpang lah leit buh noh sha NEIGRIMs ban shah sumar ha ki kynhun jong ki Doktor kiba dei na ka Department jong ka Tyberculosis & Respiratory Disease, ha ka jinglamkhmat jong u Dr Vijay N Nongpyiur, Assistant professor, Dr Jonh Muchahary bad u Dr Gideon Thangkiew.

Ha ka jingpeit bniah ki Doktor ki la lap ba ka jingpang jong u ne u samla ka dei kaba la tip kyrteng kum ka Pulmonary Alveolar Proteinosis, ka jingpang kaba shitom ban ring mynsiem bad ka bym juh kham don, hynrei kane ka jingpang ka lah ban lam pat sha ka jingiap, namar ba ki briew kin ym lah ban ring mynsiem.

Ka jingsumar na bynta kane ka jingpang la tip kum ka whole lung lavage, ka jingpynkhuid ia u klong snam baroh ban weng noh ia ki protein.
La sumar ia une u nongpang ha ka kamra sumar ia ki nongpang kiba ioh ia ka jingnang Anathesia ha NEIGRIMS ha kaba la pyndonkam ruh haduh 7 liter ka saline ban pynkhuid ia uwei u klongsnam.

Hadien ba la dep ban sumar lah iohi ruh ia ka jinglah jong une u nongpang ban ring mynsiem, ha kaba ki dak ki shin jong ka jingpang ha ka met u ne u briew ruh ka la duna bad la pynmih noh ruh ia u na katei ka jaka sumar.
La sumar ia une u nongpang da ka kynhun ki doktor na ka Tuberculosis Department bad Respiratory Disease, Anathesia bad ki CTVS OT,Dr Priyanka Dev Associate Professor bad ka Doktor Dasara Nongbet senior resident bad ka kynhun ka jong ki na ka Department jong ka Anathesiology, kiba la ai jingkyrshan lang ha kane ka jing shah sumar bad U Dr Reuben Kynta u Associate Professor, Department jong ka CTVS, kiba la pynlong ia ka jingsumar ha ka kamra puid.
Ka jinglah ban sumar ia kum kine ki jait jingpang ha NEIGRIHMS, kan nang plielad shuh ruh ia kiwei pat kiba don kum kine ki jait jingpang kin leit shah sumar ha kane ka hospital lada ki donkam.