Shillong:U myntri ka tnad bording u James K Sangma u la pynpaw ka jing kyrmen ba hapoh ka jingialam jong ka kong Rebecca V Suchiang, kum ka Chairman cum Managing Director, ba kan lah ban pynbha ia ka jingtrei kam bad kan lah ban pynkiew ha ka ioh ka kot jong ka MeECL.
Haba iakren bad ki lad pathai khubor u Myntri u la ong ba ka kong Rebecca V Suchiang, ka dei ka IAS ophisar, kaba la ih bha ha la ka kam bad ka dei ruh ba don jingtip khambha halor kine ki mat namar ba ka la ai ka jingshakri slem ha ka tnad plapisa jong ka sorkar jylla.
“Nga kum u myntri ka tnad nga don ka jingshaniah bad ka jingkyrmen ia i kong Rebecca ba lyngba ka jingtbit trei kam jong i, kan wanrah shibun ki jingkylla ban pynbha ia ka MeECL”u la ong.
U la ong ruh ba u kyrmen ba ka kong Rebecca kan ialam sha khmat ia ki kam ba bha ki ba ki ophisar ba la dep ki la sdang bad pynlong ia ka MeECL, ba kan kiew ha ka ioh ka kot.
Phi don ban ong eiei?