Ai jingiaroh ka Dorbar Shnong Kut, ka Seng Longkmie Kut bad ka HYC Mawryngkneng Circle ia ka police department

Shillong: Ka Dorbar Shnong Kut lem bad ka Seng Longkmie Kut ha ryngkat bad ka HYC Mawryngkneng Circle ka ai khublei bad ka ai jingiaroh ia ki pulit jong ka Mawryngkneng Police Station ia ka jingtrei shitom jong ki ha kaba ki la ioh ban kem noh ia u Mebanshemphang Mawthoh, uba dei u runar u ba la nud ban thombor bad lehbor ia iwei i khynnah ba dang 14 snem ka rta ha ing jong i ha ka shnong Kut bad u laioh ban rongtuh haduh arlak tyngka ka pisa ha ryngkat bad ardeng ka sohshkor kaba la jia ha ka 17 tarik Naiwieng 2020.

Ha ka jingialang kaba la long ha ka 23 tarik Nsiwieng 2020, kine ki laitylli ki seng ki la pynremjur ia kane ka kam thombor une u runar ha kaba ka la wanrah ia ka jingdawa ba dei ban pynshitom da kaba tyngeh ia une u runar khnang ba kum kane ka jingjia kan ym jia shuh hadien habud namar kane kam dei shuh ka sien kaba nyngkong ba une u runar un thombor ia ki kynthei khynnah ha kane ka shnong.