Ai jingiarap u Bah Paul ha Langsning

Shillong, 17 Naitung:
U MLA ka West Shil long u Bah Paul Lyngdoh u la noh jingiarap shi khung ki tiar sha ka seng Samla Langsning na ka skhim MLA jong u.
Kine ki tiar kiba u MLA u la ai jingiarap ei, ki kynthup kawei ka kompu tor, table tennis, ki carom board, ki tiar shet, 150 tylli ki shuki, ar tylli ki syntex bad kiwei kiwei ki jing donkam jong ka community hall.
Na ka bynta kane, ka Dorbar Shnong Jaiaw Langsning bad ka Seng Samla Jaiaw Langsning ka dap da ka jingsngewnguh ia u MLA ka West Shillong constituency u bah Paul Lyndoh.
“Ka Dorbar Shnong Jaiaw Langsning bad ka Seng Samla Jaiaw Langsning ka pynpaw ia ka jingsngew nguh ia u nongialam u bah Paul Lyngdoh uba la trei shitom ban kitkhia na ka bynta ki nongshong shnong ka dong”, la ong ka kyrwoh ba la pynlait da u Eldie N Lyngdoh u Social Welfare Secretary ka Seng Samla Jaiaw Langsning.
Ka jing ai sngewbha jong u bah Paul Lyngdoh da ki table tennis bad ki carrom board kan iarap ia ki khynnah bad kumjuh ruh ki samla jong ka shnong Jaiaw Langsning ba kin pynbyrngia ialade ha ki kam ialehkai bad ban lait na ki jingsniew jong ka juk mynta, la bynrap shuh u Bah Eldie.