Nongpoh: Ki heh shipai CRPF na ka 67 Battalion, CRPF Polo Shillong, hynnin ka sngi ki la hiar sha ka shnong Marngar ha Ri Bhoi, kata na ka bynta ban ai jinghikai ia kito ki samla Khasi kiba sah ha Ri Bhoi bad kiba la dep ban thepkam ha ki tnat treikam bapher bapher jong ki shipai.
Lyngba katei ka prokram ai jinghikai ki shipai CRPF, la iohi ba ki la don da ki spah ngut ki samla wadkam bad khamtam eh na bynta jong kito kiba la dep ban thepkam ha ki tnat shipai, ki la ioh jingmyntoi shibun eh na katei prokram ai jinghikai ki CRPF, Polo Shillong, namar ki la ioh jingpynshai kaba bniah bha halor ki kyndon kumno ban ioh rungkam ha ki kam pulit ne shipai ba la ju tip kum kita ki Central Force, kiba kynthup naduh ka CRPF, CISF, SSB, BSF, ITBT, SSF bad Assam Rifle.
Kiba la don ha katei ka prokam ban ai jingpynshai sha ki samla ba kwah rung kam shipai, ki kynthup ia u Alok Bhattacharry, Commandant ka 67 Battalion ka CRPF, Polo Shillong, u Sub Inspector, u Rajat Sahu, u Syiem ka Raid Marngar, u Richard Syiem, u Basan Nongkseh ka Hima Mylliem, u Bah Nathaniel Thangkhiew lem bad kiwei ki heh ophisar CRPF ka Shillong Region.
Phi don ban ong eiei?