Ai jingbit u DC Ri Bhoi ban khaii khyndew, ong ka HANM

Shillong,11 Risaw:
Ka Hynniewtrep Achik National Movement HANM Baridua ka la pynrem jur ia u DC ka Ri-Bhoi da kaba kynnoh ba utei u DC u la ai NOC ban khaii khynde lyngba ki khwan myntoi bad riewshimet ban khaii be-ain ia ka khyndew da kaba shah ia ki paidbah ban tih bad ban pyntwa ia ki lum ki wah bad ban pynmadan noh ia ki lum ki wah ba jyrngam bad kiba seisoh ban ban pynkylla ia ka rep ka riang sha ka ri shyiap.
Ka HANM ka la ong ba ka la don ka jingmaham na ka National Green Tribunal kaba la pynmih hukum ba ym shah ban pynjulor mariang khlem da ioh jingbit na ka sorkar pdeng , katba u DC pat u ai bor bad ai NOC ban pynjulor mariang, ka HANM ka kyntu sha ki bor sorkar ba ki dei ban pynsangeh noh shuwa ia ka NOC pynjot mariang.