Shilong:Ka ïingbishar jong ka Meghalaya High court, ka la ai jamin noh ia u Bernard Marak,u MDC jong ka Tura bad ha ka juh ka por u nong ialam ka BJP ha ka jylla, u ba la shah kynnoh ba u pyniaid ia ki kam khaïi met ha ka ïingbasa jong u ha West Garo hills district.
Ka hukum ba la ai da ka kynhun jong u nongbishar, ka pyrshah, ha kaba ia u Bernard la khang ban ioh jamin bad set patok beit ia u khlem kino kino ki sakhi kiba bia ng, katkum ka jamin ba la kwah da u para jong u, U Tingku N Marak.
Katkum ka jing kyrpad la shah, ia u Bernard Marak ban ioh ia ka jamin, haba ia dei bad ka mukotduma ba la ujor ha Women Police Tura, kat kum ka case no 107(07)2022, lada ym don shuh kiwei pat ki mukotduma haba ia dei bad kane ka bynta bad ba um dei ban pynduh ia ka jing shisha ki nong sakhi bad u dei ruh ban wan mih ha khmat u investigation officer bad um dei ban leit sha bar ri bad u hap ruh ban siew ia ka jingiateh ba 30,000 tyngka sha ka ïingbishar.
Ka ïingbishar ka la iathuh ruh ba kam don kano kano ka jing pynshisha, ba ka don ka jing thombor ia ki khunlung, hynrei ka jing pyllait ia ki khynnah na katei ka jaka bad ka jing buh jing kylli ia u, ka long kaba donkam bha haba ia dei bad kane ka bynta jong ka mukotduma.
La iathuh shuh ba u Bernard um don kti satia haba iadei bad ka jing thombor ia ki khynnah, katkum ka medical report.
La ong ruh ba ha ka jing khynra, ym shym lap satia ba u Bernard un don lang bad kine ki khynnah bad dei na kata ka daw, ym lah ban shu kynnoh, tang namar ba u dei trai ia katei ka jaka sah.
Kum ban shu pynkynmaw ba u Bernard Marak u la shah kem ha ka 26 tarik jong u Naitung, na Hapur district ka jylla Uttar Pradesh, halor ka jing shah kem jong 73 ngut ki briew bad la ioh pyllait ruh ia palat 5 ngut ki khynnah rit, na ka tei ka jaka ba la long trai da u Bernard Marak.
Naduh na sdang baroh kine ki dei ki buit kane ka sorkar ban shu leh donbor…ka Jing shah pyniap u bah Cheristerfield ka dei ka Jing thombor..Ka report ruh ka lah sakhi..Shano kito ki nongpyniap?Mynta ngi lah iohi iwka Jing pyndonkam bakla kane ka sorkar soitan..U Mukul ruh u dei uwei u soitan tangba lah kylla khnai mynta..Payback time baby.
Ka liew lep ba tih ia kiwei kin hap ialade ha kawei ka sngi.
u Conrad sangma u sheptieng ba un rem election noh ha u Bernard…Na baroh ka sorkar dei ka MDA ka sorkar bajur tam ka bam tuh …