Ai jaka ka sorkar ia ka Shillong College 5 spah phut tam

Shillong, 18 ’lyngkot:
Ka jingialang ka kynhun myntri hynne ka sngi ka la rai ban ai jaka ia ka Shillong College kaba don ha Laitumkhrah na ka bynta ba kan pyniar ia ki jingtei ha ka pule dangle.
Kane ka jaka kaba la ai sha ka College ka heh 587.78 sq m ba hap ha ka Plot 62 ha Laitumkhrah Ward , la ong u Symbud Myntri Rangbah ba peit ia ka tnad khyndew, u Dr RC Laloo.
U Dr Laloo u la ong ba hadien ba la ioh ia ka jingkyrpad na ka bor pyniaid jong kaneka College, ka sorkar ka la shim ia ka rai ban ai ia kane ka jaka na ka bynta ka jingdonkam kaban ai jingmyntoi ia ki paidbah khamtam ha ka pule puthi.
Kat kum ka jingong u Dr Laloo, kane ka jaka ka dei kaba la don lypa ha syndah jong kane ka College.