Ai ID ka JLKTTA ia ki nongniah kali

Shillong, 5 Iaiong:
Ka Seng jong ki nongniah kali kamai Tourist kaba la tip kum ka Jowai-Ladrymabai Tourist Taxi Association (JLKTTA), West Jaintia Hills District naduh ka shi tarik mynta u bnai ka la pyllait ia ki Identity Card (ID) sha baroh ki nong kamai (Driver) kiba hapoh ka lama ka (JLKTTA).
Na ka liang u General Secretary jong ka Association u bah Mihsalan Dhar ha ka kyrwoh u la ong ba ka Association ka kyntu ia ki nongshong kali da kaba ong ka jingpyllait ia kine ki ID ka mut ban ai ki jingiada ia ki nongleit nongwan, khamtam ia ki nongshnong kali ba lada ki lap ia ki draibar ba buaid kyiad  ne kino kino ki jingdih pynbuaid, bad kiba kren khlem akor ia ki  nongshong kali ki dei ban shim ia ki number ID jong ki lane ia ka number kali jong ki da kaba pyntip sha ki nongialam ka Association ne sha ki pulit.Na ka bynta ka jingthmu ba bha ka Association ia kane ba khnang ba kine kiei kiei kin ym jia ne long shuh namar kum kine ki shait jia man ka por. Ha kajuh ka por ka Association ka kyntu jur ia ki dribar ba ki dei ban burom ia ki nongshong kali kamai bad lada lap ba ki dribar kiba pyrshah ia kane, na ka liang ka Association kan kan pynshitom ia ki kat kum ki kyndon ain jong ba kala buh, pynkut ka kyrwoh na ka JLKTTA lyngba u General Secretary jong ka u bah Mihsalan Dhar.