Shillong: Ka Seng Akhil Bharitiya Vidyarthi Parishad (ABVP) jong ka Meghalaya, ka la thoh mynta ka sngi sha U Conrad Sangma, myntri rangbah ka Jylla, ha kaba iadei bad ki eksamin JEE bad NEET, kiba dei ban pynlong shen.
La ong shuh shuh ba ka sorkar India, ka la pynbeit ban pynlong ia ar tylli ki eksamin lane ki Joint Entrance Examination (JEE bad NEET) 2020, naduh ka 1tarik haduh ka 6tarik Nailur 2020.
Halor kane ka phang, ka kong Darilin Tang, kaba dei ka State secretary jong ka ABVP Meghalaya, ka kyrpad namarkata ia u myntri rangbah, ba un pynbiang ia ki kali iohei na bynta ki samla ki ban leit sha ki eksamin. Nangta la ai jingmut ruh ban pynbiang shuh shuh ia ki mask, ki sanitizer bad ki tup pia iada ia ka dur khmat.
Phi don ban ong eiei?