Ai burom ka Tyrna ia U CEM KHADC

Shillong:Ka shnong Tyrna lyngba ka TYWDS ha ka sngi saitjain ba ladep, ka la pynkup burom ia u CEM KHADC u ba long ruh u MDC jong ka thain. Ha kaba iadei bad kane ka sngi ka shnong ka la rakhe burom bad pdiang burom kum ka jingkmen namar ka jingioh long CEM jong u na ka Shella Constituency. Ha ka jingaiburom ka Shnong Tyrna ha ryngkat ka TYWDS ka la pdiang burom bad pynkup burom ha ing Dorbarshnong Tyrna ha ryngkat ka jingdonlang ki Paitbah nongshongshnong.

Ia ka jingaiburom bad pdiang burom la pyniaid ia ka jingialang da U bah D.Sohkhlet uba long u President ka TYWDS bad ia ka jingaiburom bad pynkupburom lapynkup da u Sirdar ka Tyrna Elaka, Bah D.Marbaniang. Ha kane ka jingpynkupburom la ioh ruh iaka jingkren lyngkot bad kyrkhu kyrdoh da u Sirdar bad kumjuh ruh na U Bah W.Majaw.
Na ka liang u CEM bah Teinwell Dkhar, ula pynpaw ka jingsngewnguh bad sngewburom khamtam ia ka shnong Tyrna kaba la kynmaw bad ai ruh shuh shuh ia ka burom nalor kaba u la ioh. Na ka liang jongu, u lakhot bad wer ia ka jingiatrei lang jong ki nongshnong shnong na ka bynta ka bha ka miat jong ka shnong bad ka ri hi baroh kawei.
La pynshongshit shuh shuh ruh ia kane ka prokram da ka jingrwai bad kynud sur na ka Group Khatarshnong kaba la wan sakhi lang ha kane ka jingaiburom.