“Ah Blei men pynjot ia uba hok ruh?“

AIS SUJA

Ah Blei men pynjot ia uba hok ruh? Kane ka dei ka jingkylli jong u Abraham ia u Blei mynba u Blei ula bitar jur ia ka Sodom bad Gomorrah namar ki pop AWRIA. Genesis 18:23. Balei ba u Abraham u hap ban kylli kat ia u Blei u Trai? Kadaw ka long ba u Blei ula iohi ba la bun kiba la leh pop hapoh Sodom bad Gomorrah la pynsngewsih kthang ia u Blei, ki pop ka Sodom ki la khia u Blei um banse ban hiar na ka khet na bneng hangtei ha suin , u ong “Ngan leit hiar mynta mynta ngan khmih shisha ne em ki la ialeh kumba long kata ka jingpyrta jong ki kaba la poi haduh ha nga “ Genesis 18:20-21.

U Abraham daka jingsngew artatien u la ong Ah Blei ieh shwa wat pat pynjot ioh lehse dang don tang 50 ngut kiba hok hapoh kata ka nongbah. U Abraham u ong shuh shuh “Ah Blei to ai kan long jngai na me ban leh ha kane ka rukom ban pyniap ia uba hok lem bad u bymman kat ban pynlong ia uba hok kum u bymman? To ai kan long jngai na me kata, balei u nongbishar ka pyrthei un ym leh hok mo?” Genesis 18:25. Kane ka long ka jing iakren iasaid jong u Abraham hakhmat u Blei tad haduh ba u Blei ula jubab da kaba ong “ Lada nga shem ha Sodom 50 ngut ki riewhok te kumta ngan pynsah im iakata ka jaka na ka bynta jong ki “ Genesis 18:26.

Ka jing ia kren iasaid ka kham jrong da kaba u Abraham u ud ha u Blei lada dang don 45 ngut ne 40 ngut ne30 ngut ne 20 ngut ne stang 10 ngut kiba hok , khadduh eh u Blei u la rai ban ym pynjot ban m ym thang iaka Sodom Gomorrah lada don tang 10 ngut kiba hok u ong – “ Ngan ym pynjot noh iaka naka bynta ki 10 ngut kein “ Genesis 18 : 32.

U Abraham kum u briew u la nang tharai 10 ngut te don beit uba hok kat kane ka nongbah , phewse ym don 10 ngut . kumta u Abraham ruh u laleit phai sha la ka jaka. Kaei kaba la jia ? kum lajan miet ki angel u Blei ki la poi ha Sodom katba u Lot u dang shongkai ha khyrdop (gate), u Lot u la leit pdiang burom Welcome ia kita ki angel jong u Blei kiba wan khmih ia ka Sodom Gomorrah da lade hi ban iohi ia ki kam sniew hapoh kata ka nongbah. Kaei kaba la jia? Dang step phyrngap ki angel ki la ia kyntu ia u Lot ban mih noh na ing na Sodom ryngkat ka tnga bad ki khun kynthei ar ngut. Ki angel U Blei ki la ong “To phet iap wat kyrtiang dien wat sangeh haka pyntha (Valley), phet sha utai lum Soar. Katba ki dang phet kumne, ka tnga u Lot ka kyrtiang dien ka la kylla maw mluh (Statue). La thang ia ka Sodom Gomorrah namar um don uba hok shuh wat tang 10 ngut, ki them ka Sodom Gomorrah ki la dap da ka tdem ding kalawarding ba shyrkhei. U Blei ula pynduh thiaw ia ki nongbah bakhraw namar ka pop awria kynthei shynrang, u Blei ula kynmaw ia u Abraham mynba u iasaid la pynkyllon ia ki nongbah ba la ju shongsah u Lot. Genesis 19: 1-29.

U Blei um don jing isynei shuh, la kthang ngang ka dohnud u Blei namar ki pop klim pop awria jong kata ka nongbah , hynrei u la pynlait im ia u Lot bad ki khun kynthei jong u , kaba mut tang ka longing (family) jong u Lot.
Kane ka juh ka pop ka sang ka hiar pateng haduh mynta bad ka la nang jur shuh shuh khamtam ha kine ki sngi kane ka pop awria ka la pyn matlah ia uba duk bariew spah ne u stad u biej kam riej kam map iano iano haka pateng ba mynta bad ka long ka jinglehrain ban iathuh khana ka don kaba rieh ka don ruh kaba paw tangba u Blei pat u iohi kumba u la iohi ha Sodom Gomorrah. Ki khubor ba man la ka sngi ki la pynsheptieng ia ki kynthei ki khynnah wat ia ki rangbah ruh namar ka raibi ka Sodom. Man ka sngi ki khubor ki long beit batbor leh jubor leh beijot jrong kti jrong kjat kum u Soitan.

Hato kane kam dei kata ka Sodom? ka mut aiu ka Sodom? kam dei ka pop ba shyrkhei? Kaba la pynlong ia u Blei un hap ban da thang syndon ia ki artylli ki nongbah bakhraw ka Sodom bad Gomorrah?
Kan long kaba shyrkhei lada u Blei un da thang da ka ding hakane ka pateng ba mynta sa katno ngut don kiba hok? U Blei u tip mynta kumba ula tip ha Sodom hyndai. Donbok ba u Blei ula pynkylla ain thymmai lada dei haki por ki ain u Moses te katno ngut shisha un lynthem maw haban da iap? Ka ain kaba rim ka dei ka ain kaba khor, tang tiak la shah lynthem maw syndon . Donbok pat ba u Jisu ula wan ban pynlait na ka jingiap ka mynsiem kumba ula pynlait im ia kawei ka riew kynthei kaba klim hyndai, Ioanis 8:3. Ki nong thoh bad ki pharisi kila ia ong “U Moses u la hukum iangi haka hukum ban lynthem maw ia kiba kum kita “ IN THE LAW OF MOSES COMMANDED US TO STONE SUCH WOMEN (or MEN) Ioanis 8:5 . Hynrei ainguh ia u khun u Blei u la wan ban kit ban bah ban pyllait na ka shah lynthem maw. Kaei kaba la jia ia kata ka briew? Ka la laitim. U Jisu u ong “ ko briew hangno kito ki nong mudui jong pha? Ym don ba pynrem ia pha? Ka jubab “ Ym don Ah Trai”. U Jisu u long ha ka “ Nga ruh ngam pynrem ia pha, to khie leit noh bad wat leh pop shuh”. Jesus declared “Go now and leave your life of SIN. Ioanis 8:10-11.

U Jisu u ong “WAT LEH POP SHUH”. Ka hukum u Moses ka ong “LYMTHEM MAW” Te kham lah kano? U khun u Blei u wan ban map bad ba ym dei shuh ban hap biang sa shisien ha kato ka pop awria bad uno uno uba dang iai leh pop ki long ki khun u Soitan ki bym don jngkylla shuh bad ka jongjot kan long bun bun shah ia kaba mynshwa ong ka ktien u Blei.
Ki bym don shuh ka mynsiem tip lem, ki bym don shuh ka mynsiem kylla bamut, u Blei un pynjot thiaw ia ki namar u Blei u la dep phah ia u khun sha ka pyrthei namar kiba pop . u la ong “ Ngam shym wan ban khot ia kiba hok hynrei ia kiba pop IA KABAN KYLLA KABAMUT “ Mathaios 9:13.
Kumta u Blei un ym pynjot ia kiba hok kumba ha Sodom hyndai, hynrei un pynjot mynta ia kito kiba buhrieh pop bad ki bym kylla bamut. U Apostol Paul u ong -” To phin kylla kaba mut bad yn pynbaptist ia phi ha ka kyrteng u Jisu Khrist ia kaban ioh map ia ki pop “ Repent and be baptised in the name of Jesus Christ for the FORGIVENESS OF YOUR SIN “ Ki kam ki Apostol 2:38.
Amen.