Haba iakhun u jrah, u satya, u germany, ka bai tiket ka long 300 marwei

Da ka jingbym banse nga hap ban pynpaw ia ka jingsngew bad jingiohi jongnga halor kane ka phang JINGIATUR MASI namar katba dang iaid ki sngi ki por ka jingiatur masi ka la kylla long noh pynban tang kum ka jaka pyniakhalai bad jaka lute pisa na u duk u suk khamtam hangne ha ri jaiñtia,namar ngi iohi ba ka rukom shim ia ka bairung ne bai entry fee kalong shaba palat ha kaba ki nongpyniatur masi ne nongshna fete la kadei kaba la pynbeit da ki mahajon trai masi nongshna fete, ne da ki shnong bapher bapher ka la long shaba palat ban ia kaba dei ban siew, ha kaba ia ka bai rung ki la shim haduh 200 uwei u briew haba pynialeh ia ki masi ki bym da paw khmat palat, bad haba pynialeh syndon da ki masi ba kam pawbha lei kum uta u Jrah, u satya, u germany, ne ki masi heh etc ka jingshim tiket ka long haduh 300 tyngka marwei, bad kane kadei ka jingshim palat jong ki nongpyniaid bad khwan myntoi ban kamai spah shibun shibun da kaba khniot bad pynshitom pat ia uba pli u duk u suk uba kwah bad thrang shisha ban leitpeit kai hynrei da ka jingbymbanse u hap ban siew da ki 200 300 tyngka tang shu poi harud madan shwa ban rung khnang ban iohpeit ia kita ki masi pawnam jong ka ri khasi jaiñtia jongngi. Kane ka pynlong ia uba bun u paidbah bapli ba un ud un sngewsih bad sngewdom ia kane ka jingbuh bai tiket hehdor ha jaiñtia namar uba bun (majority) hi u paidbah nongpeitkai u dei hi u nongrep, nongri masi, nongbylla sngi, ne u nongkyndong uba duk ba kyrduh YM U OPHISAR, U SAHEP, NE U NONGTREI SORKAR bad u bym kot ka bor ban siew da ki 200 300 tyngka ban ioh peit kai ia kita ki tamasa iatur masi.
Dangshen ka jingiatur masi ha ka shnong kaba ha ki thaiñ mawjrong hapdeng u Germany na jaiñtia bad u Bamkamar ba na ki thaiñ khasi ka pynsngewtynnad eh ia ki nongpeitkai namar ka bai tiket ka long 100 tyngka marwei, kane ka dei ka dor kaba biang eh ban siew bai tiket na ka bynta ki masi heh kiba pawnam. Da dei ha ki thaiñ jaiñtia ka jingshim kan long beit kaba tikna ba kin ia shim haduh 300 tyngka marwei na ka bynta kine ki masi. Kum ka nuksa ka jingialeh hapdeng u Germany bad u satya ki shim ha jaiñtia 300 tyngka, ka jingialeh hapdeng u Satya bad u priñ ki shim 300 tyngka bad kumjuh ha kiwei kiwei ki jingialeh ha jaiñtia. Kane kamdei ka jing lorni, ka jingatnud-bishni pihuiñ hynrei ka jingkdew ia kaei ka jingshim kabu palat pud ban pynsngewbha ia ki 2 liang ki trai masi bad nongshna fete bad pynsngewsih pat ia ki hajar ngut ki nongpeitkai baduk bapli. Ka jingohdor kam dei ban palat da leilei ruh ia ka 100 tyngka haba pynialeh ki masi heh bad 50 tyngka ia ki masi ba kham hapoh, namar ia ki prize masi la pynmih beit bunsien tang na ka jingpynleh khruk-khruk. Ha kaba kham mynshwa lei ia ki tiket bunsien kim ju kham shim namar la siew beit na ka jingleh khruk-khruk.

Kaba pyn sngewthamula bad pynkyndit shuh shuh kadei ka jingbuh dor bad oh dor jong kita ki trai masi ban hap siew prize ia uta u masi jong ki da ki 80 hajar haduh 1 lak bad don ruh kiba pan wat haduh da ki 1 lak 2 lak shalor shisien shisien pyniatur ia kita ki masi jongki, HAHAHAHA !!! Balei ba ka jingsiew ia u mrad kan poi haduh da ki lak ki lak tyngka tang na ka bynta shisien pynialeh ??? Lahdei ban siew bad buh noh da kador kaba kham duna ym kaba heh than haduh ban da sngewbieij ban iohsngew bad lada um treh leit pyn iatur ia uta u masi jong u ha ka dor kaba biang ai un mat duh khaw syndon haba set hapoh sem ban ia kaba leit khniot bein bad lute na uba pli u rit u ria tang ban ioh pynkmen ia uta u trai masi lalot spah ne u nongpyniaid ba shim kabu. kane ka pynpaw ia kata ka jingkhwan myntoi shimet jong ki trai masi bad kumjuh ruh jong ki nongpyniaid fete ban ioh daw hana ban shim tiket haduh 300 marwei ?? Ban iohlum spah kloi kloi tang ha ka shi sngi?? Mano ba shahktah ?? DEI HI UBA PLI U PAIDBAH U BADUK U BASUK

Shuh shuh kaei kaba pynlong ia ki paidbah ban sngewdom bad dukhi mynsiem kalong ka jingbymiohlad jong kiba bun ki ‘riew paidbah ban iohi ne peit ia kata ka jingiatur masi rhah spah wat hapdeng ba lahdep thied tiket ruh. Kadaw kalong bym don ki jingker kiba skhem bad ka jingbym buh bad jingbym don ia ki volunteer kiban lah ban peit bad pyniaid ia kata ka jingiatur masi jongki. shim te shim ka tiket ha kador kaba hehdor bad remdor tangba ban peitkai pat ymioh satia da ialeh ban pynjrong khlieh katno katno ruh namar ia tur u paidbah ba shlur bad bym tieng iap hajan hajan masi ban peitkai ka jingialeh katba mangi pat ki bym nud tur shajan ngi shu ai bai tiket tangban ioh peit briew ym ban leit peit iatur masi, sepei ka jingialeh ibang ki masi hap leitphai thylli ka khmat eiei ym iohi satia. Dukhi ka mynsiem namar ba ki nongpyniaid ki kloi ka kner pisa 200 300 tyngka shi tiket ha madan pat ymdon jingker baskhem bad volunteer ban ioh peitkai shu teh tang da i tyllai kai iban dkhut tang shi sekhon ba tur u paitbah. Kane ka pyni ia ka jingbym kitkhlieh jong ki nongpyniaid bad jingbym pyrkhat ia uba pli u paidbah uba lah dep siew tiket ban leit peitkai. Sa kawei artad ruh ka buh ia ka jingma kaba khraw bha ia u paidbah tang shu phet ki masi dalah kut ka jingiatur. kane ka jingbym ker bha ka lah ban buh jingma ia ka jingim u paidbah bad lada u masi u ieh syndon bran naba iatur un leit tynrah da ki reng banep ha u briew kumba ka ju jia ha ki katto katne ki jaka, bad lada ka jingjia ba sngewsih ka kum jia haduh ban dapoi sha u pud ka jingiap te hangta ka tamasa iatur masi kan jah bad kut noh hi syndon, shahkem sa ki nongpyniaid bym biang ka jingpyniaid. Jahrngai ka tamasa iatur masi baroh shirta naba buh jingma ia ka jingim u briew.

Kumta ban neh ban sah ka tamasa iatur masi ngi dei ban nang kumno ban pyniaid beit pyniaid ryntih ia kiei kiei baroh lada ka dei naduh ka jing siew prize ia ki masi khnang ba kan ym heh shaba palat, ne ka jingbuh dor ia ka bai rung sha ka jingiatur masi khnang ba ka jingshim bai tiket kan rit (nominal charge) bad kam ktah ia u rit u ria bapli uba kwah ban pynlut por ka leit peitkai ha kano kano ka por, ka jingbuh ia ki jingker kiba skhem ryngkat bad ka jingbuh ia ki volunteer khnang ba u paidbah un ioh ban iapeit kai suk baroh bad kumjuh ruh ban ymbuh ia ka jingim u briew ha ka jingma ynda lah phet ruma ki masi. Shuh shuh ladei noh ban buh bad thaw sa ka aiñ ban ymshah shuh ia ki trai masi ban ia pynnep ia ki reng masi jongki da kaba shut pynnep khnang, namar ka jingshun ia uwei pat u para masi da kaba pynnep ia ki reng u masi jongngi ban iohdung ia uta u jong kiwei ka buh jingma kylla ia u masi jongngi, namar kitai ruh ki ia pynnep ban ioh dung kylla ia u jongngi bad kane ka buh jingma ia ka jingim u mrad bad kumjuh ruh ka buh jingma sa ia ka jingim jong u briew namar u mrad uba nep ki reng u lah ban kum dung kulmar ia u paidbah kumba ngi ju shait iohi ba bun ki riew paidbah ki shah dung ha ki masi haba ki phet ruma bym treh ialeh ne ba lahrem ynda dep ka jingialeh. Ioh ba phim tip, Wat ka ain jong ki mrad ne ka aiñ ban iada ia kino kino ki mrad na ka jingshah pyn mynsaw ne jingshah pyniap beiñ kulmar ha ki briew ruh kadon bad kam shah iangi ki briew ban lehbeiñ ia uno uno u mrad bapli u bym nang kren ne don ka jingsngewthuh kum u briew. Te ka jinglehbeiñ ne jingpynma ia ka jingim u mrad kalah ban buh ka jingeh kaba khraw iangi ha kano kano ka por kaba ngim poi pyrkhat, kum ka nuksa, ba lada don mano mano ba complain ryngkat bad ki sabut ngi lah ban shem jingeh. Te kane ka jingpynnep reng ruh kan dei kum ka jinglehbeiñ ia ki mrad ba kin mynsaw jur bad don bun ruh ki masi kiba shahdung da ki reng banep haduh ba kin da matlah ka khmat bad iap syndon hapdeng ka jingialeh ha madan. Te kum ki briew kiba sngewthuh, Khnang ban lait na kino kino ki jingeh, ki kynrum kynram bad ki jingthut ba har rukom hadien habud to ngin ia SNGEWBHA NOH BAN SHNA IA KI AIÑ IATUR MASI KIBA BIANG na ka bynta ban suk ki nongpeitkai bad ruh ba ki masi kin lait na ka jingma jingmynsaw bad jingiap, namar ymtang ba ka don jingma ia ki mrad hynrei ruh ka buh jingma iangi ki nongpeitkai lada kim biang ki aiñ iatur masi.

PYNNEH PYNSAH IA KA JINGIATUR MASI DA KABA BUH IA KI AIÑ KIBA BIANG.

Bah R. SHYLLA