Nongpoh: Haba kren sha ki lad pathai khubor, kata hadien ba la plie paidbah ia ka Dear Weekly Lotteries kaba don ha shnong Khanapara, Ri Bhoi District, ki nongpyniaid jong katei ka jingpynkhalai nusip, ki la ai ia ka jingiaroh kaba khraw eh ia ka sorkar jylla, namar ba ka la ailad ia ki ba kin pynlong ia katei ka jingpynkhalai nusip hapoh katei ka jaka.
Na kaei kaba la iathuh da u S. Nagarajan, uba long kum u Admin Head ha katei ka Dear Loterry, u la ong ba kumba kaba long mynta, ia kaba kum katei hi kajuh ka jingpynkhalai nusip, yn sa pynlong ha Shillong, Jowai, Tura lem bad ha kiwei de ki jylla kiba don hapoh ka jylla Meghalaya.
Haba pynshai halor ka jingwanrah ia katei ka jaka khalai ha katei ka jaka, utei u nongialam jong katei ka Dear Lotteries, u la ong ba ka jingwan jong katei ka jaka khalai hapoh katei ka jaka, kan sa wanrah jingmyntoi eh hapoh ka jylla, namar lyngba katei ka jaka khalai, kan sa pynlong ia ka jylla ba kan ioh shibun ka khajna.
Haba iadei bad ka khajna, u S. Nagarajan, u la ong ruh ba kumba ka long hapoh ka jylla West Bengal, ka Dear Lotteries ka dei kaba la lah ban ai khajna shibun eh sha ka sorkar, ha kaba tang ha ka shi bnai, ka la lah ban ai khajna haduh T. 400 klur bad kaba dei kawei kaba ka sorkar, ka la ioh ban lum shibun eh ka khajna. U la ong ruh ba ka jingwan katei ka Dear Lotteries hapoh ka jylla, ym tang ba ka lah ban ai khajna shibun sha ka sorkar, hynrei ha kawei ka liang, ka lah ruh ban ai kam aijam sha ki khun samla, namar hapoh katei ka jaka khlai nusip, ka donkam shibun ki briew kiba trei bad ki ban sa pyniaid iew ia ki tiket jong katei ka khalai nusip.
Daka khalai phi kwah baa khun bsa kti bsa paitbah bsa jylla te ympoi shano shano ruh ka nang hiar arsut ko jylla Ramïa.