Shillong: U Myntri Rangbah ka jylla u Conrad Sangma u la pyntip ha ka iinggdorbar ba napdeng ki 36 ki shnong ba don ka jingiaknieh hapdeng ka Assam bad Meghalaya 30 tylli na ki kin wan sah bad ka jylla Meghalaya katba 6 tylli ka yn leit sha ka Assam.
Ka jingheh jong kine ki jaka ka long 36.9 kilometar sawdong bad kine ki 30 tylli kiban sah bad ka Meghalaya ka jingiar ka jaka jong ki ka long 18 kilometer sawdong bad ki hynriew tylli pat kiban leit sha ka Assam kin long 18.9 kilometer sawdong. Shuh shuh u myntri rangbah u la pyntip ba ki 12 tylli ki jaka ia kajia pud kin sah kumtei bad yn ym wanrah biang shuh sa kiwei nalor kine kiba la iakren bad jurip mynta.
“Ia ki 36 tylli ki shnong ba la kamtrai da ka jylla Meghalaya ha u snem 2011, ki 30 tylli kin sah bad ka jylla Meghalaya katba 6 tylli kan leit sha ka sorkar Assam kumba la ai jingmut da ki Regional Committee jong ki ar jylla bad i aka jinglongtrai ia ka khyndew kan sah bad ki trai jaka kampher lada ka hap sha kano kano ka jylla hadien ba la pynbeit ia u pud u sam” ong u Myntri Rangbah.
U myntri rangbah u la ong ruh ba ki phra tylli ki jaka ba la kam da ka Meghalaya ha ki thain Tatabari kan sah bad ka baroh, ar na ki lai ba la kam ha ki thain Gizang jong ka West Khasi Hills kin sah bad ka Meghalaya. 11 na ki 12 kiba la kam kin sah bad ka Meghalaya bad kawei kan leit sdha ka Assam. Ha ki thain Khanapara-Pilangata kan sah katto katne bad ka Meghalaya bad katto katne kan leit sha ka Assam kiba kynthup ki shnong ba la shong da ki Assamese bad ka jaka ba don ka Dreamland Resort kaNn keit sha ka Assam bad ka jaka ba don ka Brahmaputra Realtors kin sah bad ka Meghalaya.
Ha ki thain Pathaerkuchi ki jaka ba la sah da ki nongmeghalaya kin sah bad ka Meghalaya bad ha ki thain Maikuli, ka Mawmari Beel kan leit sha ka Assam bad ka lum jyntep kan sah bad ka Meghalaya.
Ha East Jaintia Hills District, ka Malidor, Ratacherra bad ka Umpyrdet kin sah bad ka Meghalaya bad ar tylli pat kin leit sha ka Assam.
U Myntri Rangbah ka Jylla u la ong shuh shuh ba kine ki jaka la jurip lang da baroh arliang mamla ki Regional Committee ba la khlieh da ki myntri sorkar ki jylla, bad la pyndonkam ruh i aka jingstad juk mynta haba leh ia kane ka kam. Ka jingtikna ia kine ki jaka yn kdew da ka Survey of India ha ryngkat ka jingdonlang ki nongmih khmat na baroh ar jylla.
La dep iasoi ruh i aka soskular sngewthuh jingmut(MoU) ha ba kut u bnai Kyllalyngkot bad ia kane ka rai la phah sha u Myntri Rangbah Duh ka ri U Narendra Modi bad sha u Myntri ki kam pohiing ka sorkar India u Amit shah bynrap u Conrad Sangma
Ha baiadei bad ka bakhalapara bad Ranibari area pat khlem pynshai ei .balei la ioh lut ka Assam ne