Thep noh sha Bank, ia ki kot tyngka, ba shon ha u 2005

rPyndep noh ha shwa U Nohprah
Shillong, 13 Naitung:
Kane ka long ka khubor, kaba donkam bha ia kito kiba buh pisa ha ki synduk nar ha iing, lane ha ki song ha ki tusok jongki, lane kiba ia ai ram sha ki para riew paidbah.
Ka Reserve Bank of India, ka la rai ban ai por ia baroh ki paidbah, ba kin leit thep noh ia ki pisa jongki ha Bank, ha shwa jong ka 31tarik Nohprah 2015 bad kitei ki dei, ia kito ki pisa, kiba la shon ha shwa jong u snem 2005.
Haba phi peit ia ki pisa kot jongphi, lada dei ki kot T.10, ki kot T.50 laneki kot T.100 bad kiwei, phi tang shu peit sha lyndet jong katei ka pisa, phin iohi, ia ka snem kaba thoh ha ki dak kiba rit bad kumta, lada ka pisa jongphi, ka dei kaba la shon ha shwa jong u snem 2005, phi dei ban leit thep noh mar mar sha Bank, namar ba la shah ban pynphai noh ia kitei ki pisa kot sha ki Bank bad ba kin leit noh sha ka Reserve Bank of India (RBI), ha shwa ka 31tarik Nohprah 2015. Lada jia ba kito kiba don ia kitei ki pisa, kim shim ia katei ka lad, ha shwa jong U Nohprah 2015; kumta, ki Bank, kin nym treh shuh ia kitei ki pisa bad kumta, ki nongdie jingdie ne ki nongthied jingthied ruh, kin nym pyndonkam shuh ia kitei ki pisa bad kumta, la hap ban shu bret noh, ia kitei ki song, ha kito kiba ioh lad ban buh shibun ia ki kot tyngka ha la iing.