Jaboh ka Tura, ba thoh kynroh ka AHAM, ban dawa nongbah tlang

Shillong:Ka jingpyn phuh pynphieng ia ka sor Tura ka la julor naba ki dkhot ka A’chick Holistic Awakening Move ment (AHAM) ki la pynjulor ia ki dur bad ki jingdro ban pyn itynnad ha kylleng ka sor Tura. Ki dkhot jong ka AHAM ki la tabain ia baroh ki jingpynitynnad ia ka madan ba dang shu plie paidbah da u CM ha kine ki khyndiat sngi ba la dep bad ia ki katto katne ki project pynitynnad ka sorkar da kaba ki thoh ha ki kynroh bad ki post electric “We WANT WINTER CAPITAL IN TURA” “WE WANT EQUAL DEVELOPMENT” bad kiwei de ki jingthoh ba ki dawa na ka sorkar.

Kane ka seng ka la dawa na ka sorkar ba ka dei ban pynlong ia ka sor Tura kum ka Nongbah bad ki jaka treikam ba ha khlieh duh ka sorkar ha ki aiom tlang. Ha kine ka khyndiat sngi ba la dep na ka liang u President ka AHAM u maham ba katba ka iingsah u lat, ka Additional Secretariat, ka iingdorbar thawain na ka bynta ka aiom tlang, ka jaka sah ki MLA , ki join Directorates bad ki ophis heh kumba ki don ha Shillong, kim don lem ha Tura; ka jingiakhih jong ki kan bteng bad kin pynjur shuh shuh.