Pyllait ki pulit Nongstoin, ia ka samla 14snem na Allahabad rShah kem, uba rahbor ia ka, la shibnai tam

Nongstoin, 13 Naitung: 
Ha kaba iadei bad ka jingjah jong ka Cecilia Pariong 14 snem na ka Shnong Mawroh WKH ha ka 2tarik Jylliew, ki bor pulit ka Nongstoin PS, ki la phah ia ka kynhun jong ki shaduh Allahabad ban leit wad ia katei ka khynnah.
Kat kum ka khubor na U SP bah S. Nong tnger, u la iathuh ba u la phah ia katei ka kynhun pulit na WKH ba kynthup ia ar ngut ki SI bad ar ngut ki pulit langrut ha kaba ki la leit sha Allahabad na duh ka 25tarik Jylliew 2015, ha ryngkat ka jing iarap lang jong ka Meja police, ha kaba ki la pynlong ia ka jingkhynra kaba jur bad la ioh syndon ban kem noh ia u Lavkush Kumar  ha ka 7tarik Naitung.
Shuh shuh u la ong ruh ba ha katei ka por ki pulit ki la ioh ban pyllait noh ia ka Cicilia Pariong na Meja kaba hap hapoh ka Uttar Pradesh bad la phah ruh ia u WPSI jong ka West Khasi Hills, ba un leit sha Allahabad khnang ban wanlam noh ia ka Cicilia Pariong ha ryngkat u tei u bar jylla u ba la rah bor.
Mynta ka sngi, ia katei ka khynnah ha ryngkat u tei u bar jylla la wallam sha Nongstoin katba ia u tei u bar jylla ki pulit ka Nongstoin PS ki la tian bishar katba kum ki kyndon no 62 (6) 2015 u/s 363/109 ipc bad hadien pat la rah noh sha kashari,t ban pynlong ia ka jingtohkit ka ba bniah.