BAPTIST

AIS Suja

“Baptist” Ka wan na ka ktien Greek. Ha u snem 1611 AD, u syiem ka ri Bilat u James iv, u laphah kylla ktien (translate) iaka Bible shaka ktien phareng. Haka ktien Greek la ong “Bapto” ne Baptizo kaba mut wieh ne pynngam hapoh um. Kumta ka ktien Baptist kala long ka ktien phareng bad khasi, ka jingmut pynngam hapoh um (immersion). Hynrei la pynkylla iaka ktien ne jingmut Baptist sha ki ba bun ki jingmut (meaning). Kumta kala long tang ka jinghikai briew pateng la pateng. Wat la kata ruh ka jingshisha ka sah hi ka jingshisha jong ka ktien u Blei. Ia ka jingbaptist la sdang ha dien 300-400 snem hadien u Jisu khrist. Don ki khristan kiba kham mynshwa hi ki pynbabtist daka ba pynngam hynrei hadien ki snem 1643 A`D la pynkylla noh sha kaba synreit da kaba ong baka long tang ka dak ba paw shabar, lane shu pynkyrteng khun. Hynrei ka ktien u Blei ka khlem ong kumta.Ka jingbaptist ka dei ka jingpynsyriem bad ka jingmihpat u Trai jisu n aka jingiap.

Ka ktien u Blei ka ong- “Aiu pat te ngin ia ong? Ngin iai neh ha kata ka pop? Ba kata ka jingai ei kan ioh nangroi byllien? Ym kumta em! Ma ngi kiba la iap ia ka pop kumno dang iai im shuh haka? Phim ju tip? Ba kat kiba na ngi ia kiba la ioh pynbaptist ia u Jisu Khrist, la pynbaptist ia ngi kein ia kata ka jingiap jong u? Namar kata kein LA BTEP LEM IA NGI BAD U DAKA JINGPYNBAPTIST IA KATA KA JINGIAP JONG U.Ba kat kumba la pynmihpat ia u Khrist na ki ba iap daka burom ka jong u kpa, kumta ba ngi ruh ngin ia iaid haka jingpynthymmai Ka JINGIM. Rome 6:1-4.

Haba la btep lem bad u ha kata KA JINGBAPTIST,ha kaba la pynmih lem ia phi ruh bad u da ka jingngeit haka jingtrei u Blei uba la pynmihpat ia u (Jisu) naki ba iap.Kolossai2:12. Na kata ka daw kein u briew u dei ban ioh map shwa ki pop la rit ne khraw bad ba yn pynbaptist ia u. U Petros u ong- “To kylla kaba mut, bad yn pynbaptist ia phi u wei pa u wei haka kyrteng u Jisu Khrist IAKA BAN IOH MAP KI POP;bad phin ioh diang iaki jingai u Mynsiem ba khuid( gift of the Holy spirit”). KI kam Apostol2:38. U briew u dei u mynsiem (Man is spirit) u hap ban mih pat hadien ka jingiap. Kumta donkam ka jingkylla kaba mut (Repentance) ryngkat ka jingbaptist ba un ioh bynta ha kata ka jingmih pat kaba Nyngkong.Jingpynpaw 20:6.

Dei na kane ka daw u JIsu u ong- “To khie da leit noh maphi, pynllong synran iaki bynriew baroh, da pynbaptist iaki haka kyrteng u kpa u Khun bad u Mynsiem Bakhuid”. Mathaios 28:19. “To leit sha ka pyrthei baroh to ialap iaka Gospel haki bynriew baroh: uta u BA NGEIT, BAD IOH PYNBAPTIST YN PYNIM:hynrei uta u bymngeit yn pynrem”. Markos16:16.Ka ktien u Blei ka ban jur ba uta u bangeit, bad ioh pynbaptist- Yn pynim u bym ngeit u la rem lypa.

U Jisu u ong- “To shah (da kaba ngeit) mynta naba kumne kein ka long kaba dei ia ngi BAN PYNDEP IAKA HOK BAROH”.Mathaios 3:13-17. Amen.