KA RUSSIA HA KA BIBLE

AIS Suja

Shisien pyrkhat, ka long sngewpylla baka ri Russia la kren iaka haka Bible. HYnrei ka dei ka jingshisha, bad ba ri Russia ka don bynta ha kine ki sngi khadduh haki kam ialeh bad ki ri ka pyrthei khamtam bad ka ri Israel.

Ha u Esekial 38 lynnong la iathuh pyrshah shaphang u Gog u Magog u syiem ka Rosh ka Meshek bad ka Tubal.Kaba mut kine ki dei ki syiem bad ki Hima bala synshar daki mynsiem bymman (evil spirits).Kine ki ri ki dei kiba na shatei jong ka ri Israel (North of Israel) .Kine kin sa hiar thma iaka Israel ha kine ki sngi ba khadduh kiba kynthup ia ka Russia ka Persia bad ka Turkey.

Kumba ngi la iohi ba mynta kala don ka jingsdang (starting point) jong ka Russia iaka Ukraine .Kane ka dei ka lynti bad ka jingsdang ban pyni ia ka mynsiem bym khein briew iaki Ri kiba rit bad kan long ruh ka jingshna lynti ban hiar suki haduh ka ri Israel. Ka pyrthei lehse kam sngewthuh ia kine kiei kiei, hynrei ka ktien u Blei kala dep ia thuhlypa. Ka jingshun ka jong u Soitan ka long tang iaka jaid jiw (Jewish) namar ha Ukraine ki khambun ki Jew,ne Israel.

Ka ktien u Blei kala dep iathuhlypa shaphang kata da kaba ong- “Ha kata ka sngi ki briew jong nga ki Israel kin shong suk, mem tip ia kata? Te men wan nakari jongme (Russia, Turkey etc) naki bakut ka shatei (Farther North), ma me bad bun ki kynja bynriew ki da shong haki kulai( Erphlen thma) , u paid byllien bad ki shipai ba don bor .Men wan kiew ban ialeh iaki briew jong nga ki Israel kein. ‘’ Esekial 38:14-15.
Kan jia ha kata ka por ,” Ka jing khynniuh ba khraw ha Isarael .” 38:19.Kiei kiei ki jaid bynriew kin ban hiar thma ha duh Israel? Lane kiei kita ki Gog ki Magog? Ka ktien u Blei ka don ban iathuh ha ngi ba kita ki jaid bynriew kiba hiar pateng naki khun u Noah.Ki khun u Noah ki dei- u Shem,u Ham bad u Japhet.Naki khun shynrang u Japhet dei u Gomer, u Magog, u Madai u Jaban , u Tubal u Meshek bad u Tiras…Genesis 10:2-8.Kine kein ki long kita ki pateng ki jaid bynriew ki ban hiar thma iaka Israel , bad kine ki la sdang wat mynta ruh. Dei na kine ki jaidbynriew ba u prophet Esekial ula iathuh lypa haka kitab u Esekial lynnong38.
U Esekial u la ong-“ Ha kata ka sngi (ki sngi) haba ki briew jong nga ki Israel kin shong suk…. Men wan naka jaka jong me (U Russia un lam khmat ban hiar thma) …men wan kiew ban ialeh iaki briew jong nga ki Israel.” Esekial 38: 4-16.

Ngi tip mynta ki Israel ki shong suk hala ka ri la roi parum pareh ki dap ki riewspah ki roi ha ka bor bad jingstad haduh science and technology.Ka Russia bad ki paralok jong ka,ki Arab Middle East ki peit siar kliaw ban pynjot iaka Israel mynta. Ki dei kine kein ki ban aka pateng u Noah hyndai. Ka por ka poi ba kine ki ri kin hiarthma shyrkhei iaki Israel bad kam slem shuh. Hynrei u Blei ula dep kren u ong- “Ha kata ka sngi kan long ka jing khynniuh ba khraw haka ri Israel”. Esekial 38:19. Balei? Namar ka Israel ka long “u side ia pom bad ka tiar ialeh thma jong u Blei…kan pynlwet ia ki Nongsynshar bad Deputies.Jeremaiah 51:20-23.